ဝၢႆးသေသိုၵ်းမၢၼ်ႈသိမ်းဢဝ်တပ်ႉၼမ်ႉလဝ်း၊ ၸပ်ႉလွႆၶဵဝ် တပ်ႉသိုၵ်းၸိုင်ႈတႆးယဝ်ႉ တပ်ႉသိုၵ်းၸိုင်ႈတႆးၽႅၼ် ႁဵတ်းသိုၵ်းမူတ်း ယိုဝ်းတပ်ႉသိုၵ်းမၢၼ်ႈၶဝ်မႃး။ တႄႇဢဝ်ဝၼ်းထီႉ(12-03-2011)ၼၼ်ႉမႃး တေႃႇဝၼ်းထီႉ(05-04-2011)ၼႆႉ ပၢင်တိုၵ်းသိုၵ်းမၢၼ်ႈ-သိုၵ်းတႆး သိုပ်ႇပဵၼ်ယူႇၼိုင်ႈဝၼ်း(3/4)ပၢင်၊ ၼိုင်ႈပၢင်လႂ်သိုၵ်းမၢၼ်ႈ တၢႆယူႇ(3/4)ၵေႃႉ၊ မၢတ်ႇ(8/9)ၵေႃႉၶိုၼ်ႈၼိူဝ် လႅဝ်းၶတ်းမိူင်း ပွင်ႇမႃးၼင်ႇၼႆ။
[သိုၵ်းမၢၼ်ႈၵႅၵ်းယွၵ်း တီႉၺွပ်းၵူၼ်းႁၢပ်ႇ ပဵၼ်ၼၢင်းယိင်းၵမ်ႉၼမ် ယူဝ်ဝႃႈတေသၢၵ်ႈသႃႇ ၽူႈၸၢႆးပၢႆႈၶဝ်ထိူၼ်ႇဝႄႈလွင်ႈတီႉၺွပ်းၵူၼ်းႁၢပ်ႇ ၵူဝ်လုၵ်ႈလၢင်းၵူၼ်းႁိူၼ်းယေး ၶၼ်ၸႂ် ၼၢင်းယိင်းၸိူဝ်းပဵၼ်မႄႈႁိူၼ်း ၵူၼ်းၼုမ်ႇဢမ်ၵိုတ်း ဢမ်ႇလီၶေႃးၶုမ်တေႉႁႃႉ။
ဝၼ်းထီႉ (03-04-2011) ယၢမ်း (14:00)မူင်းတေႃႇ (14:25)မူင်းၼၼ်ႉ တပ်ႉၵွင်(24)လႄႈတပ်ႉၸေႈဝဵင်းမၢႆ(3) ႁသလ/ၸၢႆးလူၼ်းဢွၼ်ႁူဝ် လႆႈပဵၼ်ပၢင်တိုၵ်းၵၼ်တင်းတပ်ႉသိုၵ်းမၢၼ်ႈ လႆႈပဵၼ်ပၢင်တိုၵ်းၵၼ် တီႈလွႆမူႇလိူၼ်ႈဢိူင်ႇၼွင်ဢႅပ်းၸေႈဝဵင်းမိူင်းသူႈ ၽၢႆႇသိုၵ်းမၢၼ်ႈတၢႆမၢတ်ႇၵႃႈႁိူဝ် တိုၵ်ႉထတ်းထူၺ်ႈယူႇ၊ ၽၢႆႇတပ်ႉသိုၵ်းၸိုင်ႈတႆးလွတ်ႈၽေးဢမ်ႇမီးလွင်ႈ တၢႆမၢတ်ႇသင် မုၵ်ႉၸုမ်းမႂ်ႇသုင်လႆႈႁူႉၼင်ႇၼႆ။
ၼႂ်းလိူၼ် April ၼႆႉ တပ်ႉသိုၵ်းၸိုင်ႈတႆး SSPP/SSA လႄႈ သိုၵ်းမၢၼ်ႈ ၵႆႉၵႆႉလႆႈပဵၼ်ပၢင်တိုၵ်းၵၼ် ပၢင်တိုၵ်းလႄႈတီႈပဵၼ်ပၢင်တိုၵ်းထီၵၢၼ်မႃးႁႅင်း၊ ၽၢႆႇတပ်ႉသိုၵ်းမၢၼ်ႈမီးတင်းလူႉသုမ်းတၢႆၼမ်သေတႃႉ ၽၢႆႇသိုၵ်းတႆးဢမ်ႇပေႃးမီးလွင်သုမ်းတၢႆၼမ်သင်တေႉတေႉ၊ သိုၵ်းမၢၼ်ႈသိုၵ်းတႆး ၾၢင်ႉတိုၼ်ႇတပ်ႉၽႂ်ႇမၼ်းဝႃႈၼႆ။
သိုၵ်းမၢၼ်ႈၵႅၵ်းယွၵ်း ၵၼ်ႉၸၼ်ၶႃႈႁႅမ်ၵူၼ်းမိူင်းတႆးမႃးႁိုင်ၼၢၼ်းၶၢဝ်းႁိူင် တေႃႇထိုင်ဝၼ်းမိူဝ်ႈၼႆႉ။ ၵူၼ်းႁၢပ်ႇၵၢၼ်မိူင်းၶဝ်ၵေႃႈၶတ်းၸႂ်ႁႄႉၵင်ႈၵႄႈလိတ်ႈပၼ်ယူသေတႃႉ ဢမ်ႇတဵမ်ထူၼ်ႈလႆႈလီငၢမ်း။ မိူဝ်ႈပူၼ်ႉမႃးပီႊ 1977 ၵေႃႈ ၽဝ်ႁိူၼ်းယေးၵူၼ်းမိူင်းတႆးႁဝ်းသေဢမ်ႇၵႃးၵၼ်ႉၸၼ်ၼၢင်းယိင်းတႆးႁဝ်းဢမ်ႇၸႂ်ႈၼႄႇ။ မိူဝ်ႈလိူၼ်ပူၼ်ႉမႃး တီႈႁိမ်းၼႂ်းဝၢၼ်ႈလဝ်း သိုၵ်းမၢၼ်ႈၵၼ်ႉၸၼ် လူလၢႆၼၢင်းယိင်းတႆး ၶၢဝ်ႇၸၢႆးငၢၼ်ပွင်ႇမႃးၼင်ႇၼႆ။
